tsiaro (Sitraka)

Tsiaro

Sendra indray nitselatra
Tao anaty diary
no nahitako sary
Tazako nivelatra.

Niampy taratasy kely
Nisy soratra voakaly
Sy nisy teny mamy
Nanaitra ny fijery.

Dia iny nitamberina
Tao anaty fo sy saiko
Ilay teny nolalaiko
Indro aho fa niverina
Niteny hoe: "tiako ianao"
Tao anaty foko tao.

Diso angamba aho hoy ianao
Fa niteniteny foana
Nanao vava tsy tsaroana.
Nefa...ity aho tsarao
Raha sendra tafafoha
'Reo fiontanako taloha.

Aoka ajanona ho tsiaro
Fa sendra mba tadidy
Avalona hihidy.
Tsiky mba nandalo
Ka aza omena tsiny
Amin'iny lafiny iny.

Sitraka: 21jona 2015
--------