Alina mangina (Tatamo Ravaky Ny Farihy)
Pas encore lu
(Nalaina tao amin'ny vetso.serasera.org)
Tatamo Ravaky Ny FarihyÀ l’instant ·
ALINA MANGINA
Amin'ity alina mangina, toa feno fifaliana
feno fitsikiana, nilaozam-pahoriana
satria nitohy indray ilay vetsovetsom-po
Noheverina ho ringana satria toa voafingana
Mibaliaka eny akia, ny saiko fa satria
Na nanjombona aza ny endriky ny tava
niarina indray noho ilay jiro nanazava
Dia tsy iza fa ilay tsiahy embona nandalo
Toa nisy anao niserana namelona ilay ratra
Nandona ny ambom-po ka indro nampifoha
ireo tsiahy mamy, 'lay toa ny tsy eto an-tany
Alina mangina, mitory fifaliana.
Tatamo Ravaky Ny Farihy
21/07/2016
--------
Lien:
Catégorie :
Aingam-panahy
Fans:
tatamo1