Iny havako iny (Tatamo Ravaky Ny Farihy)

Iny havako iny

Any ho any izy izay
Ampitan-drano lavitra ahy
Any izy no mitoetra
Any izay havako izay.

Efa ela no tsy nihaona
Manina azy indraindray
'Nefa na tsy manoloana
Tiako izay havako izay.

Lavitra an'i Gasikara
'Nefa be mpikarakara
Ho tafita soa aman-tsara
Re ry havako malala.

Ho avy i Dada sy i Neny
Hamangy anao ho tonga eny
Dia veloma mampamangy
Ka ho ambinin-Jahary.

Tatamo Ravaky Ny Farihy
--------