TsiaTsiaSao ianao mihe (Tatamo Ravaky Ny Farihy)
Pas encore lu
(Nalaina tao amin'ny vetso.serasera.org)
TsiaSao ianao mihevitra fa teny mandeha ho azy no indro alefako eto
Tsia, teny voahevitra voalatro sy voarindra natokako indrindra
ho an'ireo nama-manirery, mitoloko, tsy voajery, ato ambadika ato
Voageja sy voafatotra amin'ny rojon'ny fitia nirina ny ho doria
Kanefa dia indrisy tsy afaka hankaiza na koa hiriaria
Tsia, tsy toy irony fitia voa mamelana dia nandazo na koa nihazohazo
Fa fitia mankadiry nandalo dia nitoetra voafantsika ao anaty
Izay nibahan-toerana, nandrakotra niserana ireo voaratra mafy
Tsy ilay fahitanao lalaina lava izao fa tena hafa kely
Tsia, tsy fitia an-jaridaina mibahana ny saina, tsy handinika ny fo
Fa fitia tena marina mahay mandanjalanja, mampangina ny ambom-po
Ka na mahatsiaro manirery dia indro faly ihany misaina ny taloha
Tatamo Ravaky Ny Farihy
21/07/2016
--------
Lien:
Catégorie :
Fitiavana
Fans:
tatamo1