Sitrako... (TSILOKO Mahadiny)

Sitrako...

Ny sitra-pitia tsy loloha
Fa adidy amim-bady efaina
Ka aza robok' izay manodoka
Na ho jembin' izay manam-bika
Fa tsinjovy sy asio topimaso
Irony miondran' ny gasy
Sy irony mievan' ny tany.
Ny zanak' Iarivo be haingo
Hono, tsy fitondra hiseho amin-kavana
Fa zaza mandroso amin-damba
Ka nanary ny fanahy maha olona.
Ka raha sitra-pitia haitraitra
Fa tsy eram-panahy hahatsara
No tsy sitra-kibo hahavoky,
Dia hilaozy fa biby hanaikitra
Na haleveno fa afo handoro

TSILOKO Mahadiny
--------