You are here: home > Vetso

Andeha ry aiko matoriza - TSILOKO Mahadiny

Azo vakiana?

Andeha ry aiko matoriza.
Fa i Neny mbola hiandry ny fodian' i Dada indray.
Mbola hiandrandra latsalatsa sy ny daroka kitay.
Izay tambavy ho antsika fa fiononana ho azy.
Matoriza sombin' ny aina fa i Neny miandry sazy.
      

Aza mihevitra hiaino ny teny boraky ny toaka.
Izay fanaon' i Dadanao ndrao izany no handoaka
Izato fo miefitrefitry ny taonanao zay mbola kely.
Matoriza sombin' ny aina fa i Neny miandry vely.

Ny nofinao apongapongatra ao anaty torimaso.
Fa misalo-drahoraho sy mifonofono ankaso.
Ny fiainan-koavinao, mila anao mijoro izany.
Ka andeha ianao matory f'i reninao hitomany.

   Tsia ry Neny â, tsy ekeko !
Ny fanapoizanao mangidy noho ny ditran-dehilahy.
Miharo latsa sy ny daroka, rahom-bava mampanahy.
  Tsia ry Neny â, izaho tsy hatory !
Fa hiara-kizaka izay zakainao anio.
Miara-miosina eto isika na ho loto na ho dio.
Ka hikiry hanao vivery, izay sombintsombin-kery.
Hanampiana anao ry Neny, tena hery tsy an-tery !
      ........
    
      

Sokajy : Fiainana

Hevitra mandeha

nikopol (26/08/2005 13:14:29)

tononkalo hafa na rindra na votoatiny. omeko isa 5

fiaritiana (26/08/2005 20:20:44)

tsara be,tsy izay fotsiny fa mitondra hafatra, misaotra e

SOBIKA (25/05/2007 10:34:37)

Hoa nireo lehilahy mandalo eto ka mahita dia aza adino ny hafatra omena anao! mba ilazao ireo namanao! fa misy any ho any no toa dia mampijaly!mampitondra faisana ilay akany.....

tiaraj (01/02/2008 21:30:31)

Mahereza izay sendra an'izao fa tsy misy rtsy noho ny ratsy safidy amin'izay hizara ny fiainana any aoriana... Aza mihomehy ianareo raha lazaiko fa marobe ireo TENA miaina io tononkalo io ary izaho anisany fa amin'ny endriny hafa... Mahereza fa Andriamanitra tsy mandao

Laaris (16/07/2012 12:43:13)

ho anao reny tratran'io,
d izao no tadidio
,misy ts amp anaz ao a@nao
ka jerevo raha azo atao.

Hametraka hevitra

Midira aloha

Mombamomba

Mpanoratra : TSILOKO Mahadiny

Nampiditra : Bocassa
Daty : 26/08/2005
Mpamangy : 1252
Mankafy : 3

Tononkalo hafa

Tsy ho rava...
Any...!
Haiteny
Sitrako...
Hanina ny akany
Nofy !