Mihira anao (Vonjisoa ANDJANIRINA (RNMv))

Mihira anao ry taniko ireo poeta ireo
Mihira am-peo mangina fitia izay tena lalina
Mihira fiadiana sy fahasarotam-piaro.
Ka ny pejy sarobidy sy raki-tsasan-kalina
Tsy namonoany jiro: ho anao ilay tany maminy.

Ao ireo nanoratra ny kantonao tsy lany,
Ao ireo nampiasa ny penina hitolomany.

Ny gadon-kira vitany?
Ny fony izay nitempo teo ampanoratana,
No namaritra azy.
Ny melodian'ny hirany?
Tsy naoty mifandimby fa ventso-po mitia
Ilay gasikara maminy.

Ka sambatra izy ireo nihira anao mangina,

Vonjisoa Andjanirina
(14/10/2026)
--------