AMPINDRAMO (AORN)

Ampindramo kirin-doha
Ho entiko hiatrik’ady
Manoloana ny tsy rariny
Sy ny jadona ampiharina
Amy Malagasy maro
Sasa-miaro zato taniny
Sy ny Harena mifangaro

Ampindramo herin-tsaina
Ho entiko mijoro hatrany
Tsy ho resim-pahavalo
Fa manjaka sesilany
Ny bontolo miampy basy
Hanerena teratany
Miaraka amy taratasy

Ampindramo sandry vao
Hanakanako an-kery
Reo vazaha mpametsifetsy
Ka na hisy ho aina very
Ny herim-poko tsy ho lany
N’iza n’iza anao an-tery
Hijoroako hatrany hatrany

AORN
12 MEY 2022
--------