MITIA ANATY (AORN)

Ilay fihetsikao nianjona
Nangarika fijery
no sary tato an-tsaiko
tsy niala na voakosoky
ny andro nifandimby...
Ka moa tsy adaladala
'ty foko te hamafa
no lasa te hidoboka
hikiry te hamantatra
ny mombamomba anao?
Sa izany ilay lazaina hoe
rehefa tia "adala"?
Ny saina tsy manaiky
fa ny fo tsy te hahalala?
Fa hay mandoaka tratra
No sady koa mandratra
toa mila tsy ho tanty...
lay hoe "mitia anaty"
Loza!!!!

AORN
08 OKTOBRA 2024
--------