NY LEHILAHY (AORN)

Angolan-teny angamba
No naha-babo azy
Fa raha izay toetra aloha
Dia mbola vazivazy
Mandoka an-tendro-molotra
Dia toy ny zana-javatra
Milaza ho tena tia
Kanefa manalavitra
Dia sahy minina mihitsy
Hoe : “tsisy toa anao”
Fa vao midify kely
Dia lasana mandao
Mahita hafa indray
Dia lasa mampiresaka
Lay tena hoe “fitiavana”
Tsy misy tafapetraka
Fa inona no antony?
Filana fotsiny ihany
Mahita reo hakanton’
Ny zavavy tsy hita lany
Dia zay lay toetra fototra
Hatrany am-piandohana
Lehilahy mirehareha
Mirifatra tsy tana

AORN
13 DESAMBRA 2024
--------