NY TSIKY (AORN)

Moa mba fantatrao?
Ny tsiky dia fambara
ny hafaliana anaty
mivoaka avy amy fo
ka isan'ny mampiavaka
ny zanak'olombelona
amy zavaboary hafa...

Kanefa koa mazana
dia tsiky no ampiasan'
ireo olona tsy faly
ka entiny anesoana
'zay olona tsy tiany...
fa azo an-tsaina ihany
ny mampiavaka azy
satria tsy azo amboarina
lay tsikim-pifaliana
na tsy misoratra aza
na koa tsy ambara vava...

Ny tsiky avy amy fo,
tsy manampaharoa!

AORN
14 OKTOBRA 2023
--------