REHEFA EO I DADA (AORN)

Rehefa eo i dada
Dia feno tsy andrimbinana
Ny hafalian'ny zanaka
Satria tsaroana foana
Fa misy ray mpiaro
Tsy mahatsiaro lanaka

Rehefa eo i dada
Misinda ambony ihany
Ny adin-tsain'i neny
Satria tadidy hatrany
Fa dada no mamatsy
No sady henoin-teny

Rehefa eo i dada
Dia izy no mijoro
Ho lohan'ankohonana
Miatrika ny adidy
'Zay mafy sady sarotra
Mitady vahaolana

Rehefa eo i dada
Dia izy no manoro
'Reo zavatra tsy hay
Raha sendra ka mivoana
Tsy mihambahamba koa
Manitsy, manafay

Ka rehefa eo i dada....
D' izao no tonom-bavaka
Mivoaka avy ao anaty:
Ho lava andro iainana
Ka hotahian'ny Tompo
Ho lavitry ny ratsy!!

AORN _ 20.06.2020
--------