Antsam-pitiavana (Dox)
(Nalaina tao amin'ny vetso.serasera.org)
ANTSAM-PITIAVANAFa fitiavako ianao, fifaliako, fahasambarako…
Vahatr’aina, tanjon-tokana, eny tokana ifaharako…
Ametrahako ny androko, ny fo, fanahy sy fisainako
Aminao no miantomboka ka mifarana ny fiainako… !
Fa fitiavako ianao, eritreritro, fanahiko…
Tsy hisaraka amiko eny, na aiza na aiza tany itsahiko !
Tompon’ny safidim-poko, mpanapaka ny momba ahy !
Anjely hiambina ahy hatrany raha izaho alaim-panahy !
Fa fitiavako ianao, eny tena fitiavako !
Hira mamiko izany ka tsy afaka eo am-bavako!
Hira mamiko indrindra, ô hirako hatrany !
Fa fitiavako ianao, è fitiavako madio…
Hoy ny teny fivoadiana atolotro anao anio :
Ho fitiavako ianao mandra-podiko ho tany !
DOX
Folihala.
(Naiditra ao amin’ny tantaran’”Izy Mirahavavy” 1940)
--------
Rohy:
Sokajy :
Fitiavana
Mpakafy:
honenantsoa - hery - AdrienTafitasoa - Dimbirazantsoa - micka53 - dimbisoa - famoha - itjn - angoty
Hevitra mandeha
eh
(
20/08/2005 12:15)
goavana izany raha fitiavana an!!
rovitra
(
20/08/2005 16:00)
tsara ny mahitata ny tononkira, fa mba azo atao ve ny mihaino ilay hira
fiaritiana
(
23/08/2005 18:41)
tena tsarabe nytonony marina an
angoty
(
24/08/2006 16:35)
mambabo fo tantera ka e! saika tsisy teny malaza azy tsony ko!
Ma F.M
(
11/04/2022 08:59)
tiako loatra
AdrienTafitasoa
(
27/12/2023 10:24)
Tsara loatra❤️
Tetaka
(
18/06/2024 02:28)
Fitiavana tsy manam-petra,
Fitia mangatsakatsaka
Fitia mangatsakatsaka
