Teo amin'ny valsa (Dox)

Nantsain'i
(Nalaina tao amin'ny vetso.serasera.org)
Moa ianao tsy teo an-tratrako, ary efa sambatra aho
Namolivoly ny takolako teo an-daingon-tavanao
Ary azoko natao ny nioty anao an-taho
Ry Voninkazo fanaperana, eny azoko natao.

Eny azoko natao, tsy ho nandà ianao
Efa niaraka nihovitra ny fanahy mifankatia
Nefa tsy nioty aho. Ny itiavako anao
Dia ny hanitrao tsy fantatro, no nofisiko doria,

Fa ny hanitrao tsy fantatro, ao anatin’ny vinaniko
Dia nivoatra hifandrindra amin’ny nofinofy mamiko
Ao aho, mianoka ao, mianoka ao doria, doria.

Tsy nioty aho, ary tsy hioty anao
Aoka ho zava-miafina amiko, izay rehetra aminao
Ndrao hanony ny hetahetako, ny hetahetako fitia.

DOX,1939
--------
Rohy:
Sokajy : Fitiavana
7995 4
Hametraka hevitra
Midira aloha
Momba ny tononkalo
Mpanoratra : Dox
Nampiditra : ikalamako
Daty : 30/08/2012 15:19
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0102