NOELY MAHATRA (Fandeferantsoa julien)

Indrisy ry Noely mahatra
Fa misaona ny foko ankehitriny
Christmas nitondra ratra
Mampatsiahy ireo fahiny

Heritaona zay no lasa
Daty iray tsy ho voafafa
Fa mijanona tsy miala
Ho tsiahy sy tantara

Nody mandry ilay malala
Raha christmas toy zao
Samy tsisy nahalala
Fa tapoka be tsotrizao

Alahelo mintamberina
Rehefa Christmas toy zao
Tsy haiko intsony izay ho tenenina
Fa feno loatra ny anaty foko ao
--------