Akoholahy tsy mamon'ady (Imbitika Rambala)

AKOHOLAHY TSY MAMON'ADY

Tsy hanao rainitoaazy aho ka ho hendry any an-tranon'olona
Fa misy kotroka midona ange
Avy any an-tsefaka any

Mievinevina mantsy ry dadatoa any am-pasana
Fa ohatra ny tsy mba nananatra hono r'izareo

Nahoana tokoa moa isika no
Tampon-tany mantsaka ranom-potaka
Ka variana amin'ny bozaka kely
Fa tsy mahita ny sakamandimby
Tsy maintsy hiaraha-mibata

Raha ny fitiavan-Tanindrazana ange
Tsy hifampiderana io e

Koa atodiho ny fieritreretana
Aza atao maizin-tsasaka ny saina
Ka hanao akoholahy tsy mamon'ady eto

Lahatra itovizana ny antsika
Ary toeram-boazara no eto
Ka sao lahy hanome tsiny an-Janahary

Fihavanana no nampianariny antsika
Koa andeha hifanome tanana

Fa ny hanarina indray no tsy laitrako

Imbitika Rambala - 11/03/21
--------