AMPY AZY (Mahalia❤✨)

AMPY AZY

Tsy hoe ialahy no tsy nilainy raha navelany nandeha,
F'izy tsy afaka mitazona izay efa tsy tamana;
Raha fitiavana no resaka...izy tena nanome,
Nitia tamin'ny fony f'ialahy mihitsy no malama.

Dia voatery nanadino izy na dia mbola te hisambatra,
Tsy maintsy ialahy nafoiny hotantanan'olon-kafa.
Ny sainy efa namboariny hoe tsy misy tonga lafatra,
Mety hoe lavo izy androany fa rahampitso mbola hitraka!!!

Fa raha hoe olona hitia azy sy hanatsra ny ampitsony?
Tsy hiadivany amin'ialahy na marary aza ny anatiny.
Fa "Ampy azy" indrindra ilay nivoaka tao an-kibony.
Loharanom-pahasambarany ary ho mandrapahafatiny.

Mahalia❤✨
--------