Mifanadala (miHAJA)
(Nalaina tao amin'ny vetso.serasera.org)
Mifanadala Efa nokoboniny sy misisika ao anatiny
ny endrikao tsy fantany…
Ny soratsora-maminy
toa mangentana tsy ho tantiny
kanefa dia izany…
Mivavabavaka izy, isan’andro vaky
hahita anao anilany…
Mitombo ny fotoana
sady efa manakaiky
ny tsy ahitany izany silany!
Misandratra amin’ny tranobongony
ny setroka tomaniny…
Hatry ny ela mihitsy
no foana ny vilany nongony
fiainana tsy laniny.
Korontandrontankely lavitra malala
manantena hatrany…
Kamboty velon-kavana
fa mba mifanadala
dia mbola hihaona ihany!
miHAJA
01.02.2007, Tsiroanomandidy
--------
Rohy:
Sokajy :
embona
Hevitra mandeha
tsitsina
(
05/02/2007 04:48)
tena tsara mihintsy ilay tononkalonao io an!