TARA LAVA (Np Augustin)

Ramose ah!
Aza kapohina aho fa mba maharary,
Jereo ny masoko fa mila hitomany.
Miaritra ny ratra ary koa ny fery:
Tsy fantatrao hoe: "izaho kamboty irery".
Tsy eo intsony na i Dada na i Mama;
Ka voatery aho handeha hikarama...
Vao mangiran-dratsy dia efa miala ao an-trano,
Iny izaho lasa mandeha mantsaka rano!
Rehefa vita izany, izay vao mba kiasy;
Miomana ny saina fa hamonjy lakilasy.


Fa tsy maintsy miasa aho,
Na dia ho tara ka ho voasazy;
Sao mantsy tsisy vola handoavana "ekôlazy"...


Izany ramose no iainako lalandava,
Dia diso ve izaho raha toa ka tara lava?

27/10/17
Tamin'ny 11 ora latsaka fahatelony
--------