Ho aiko ve ? (randria)

ho aiko ve ny tsy hahatsiaro,
na hamono ny eritreritro,
ny amin'ireo tantara maro,
nahatonga ireto feriko ?

ataoko ahoana no fiala,
hanadino na hametraka,
hinia mody tsy hahalala,
reo herisetran'hetraketraka ?

tsy ho efa zany sombinaiko,
tsy ho voakosoka ato an-tsaiko,
ary tena tsy ho fafaiko,
reo mangidy nozakaiko ...

ny fahatongavanao indray,
tsy hoe ambaniako sanatria,
fa leo aho no sady fay,
ny toa anao fa tsy fitia...

koa aza tsiny raha handa,
ny fahangatahanao rahavako,
mbola tia aho fa tsy sahy,
noho ny olam-perim-pitiavako .
R.J.O.
--------