You are here: home > Vetso

Foiny - randria

Eny rehetra eny... na eo an-tongotrao ngoly!
Any an'habakabaka any angamba ?...
Ny anatiko mamolivoly,
N'aiza n'aiza hivetsoiko...
- tsy maninona.
F'iny rivotra iny hitondra,
Ary ny embona hivimbina,
Samy hirongo reo tamberina,
Mitampisaka madity,
Ny takosim-pahatsiarovana,
Hamelon-tsoratra mangina,
Ny ao anaty mahatsapa,
Dia... samy hamakafaka.
Hitsetra ny amin'ny nisiany,
Ny mafy nentiny tety,
F'ireo rehetra ireo no apinga,
Hampisy aina ny am-panahy,
Ny manontolo voarakitra.
- Ny tantara.
Fa angovo no niala teto,
Ny dinitra nanenika azy,
Namonto aina indray ny tany,
Sy ny asakasaka rehetra .
Ary ampoky ny fahefana,
'Lay tory feno fara-tsiaro,
Tsy fidy anefa de nombana,
Mba... ho voninahitrao.
Hamelo-maso rony sata,
Ny hasinao ny hasaro-bidiny.
Fa folaka ny ngeza indrindra,
Nanjoy ny ladina an-tany,
Rehefa afaka sohika,
Nampiondri-doha saraba maro,
Tsy hain'ny velona hierena,
Fa lonjitry ny fiandrianana.
Tombam-bidy tsy an-tery,
Ho fandresena miezinezina,
Nefa... tsy ho an'iza na an'iza,
Fa ny aminao ry tany mamiko.
           R.J.O.

Hametraka hevitra

Midira aloha

Mombamomba

Mpanoratra : randria

Nampiditra : jari
Daty : 22/07/2005
Mpamangy : 1084
Mankafy : 0

Tononkalo hafa

Dom-panantenana.
adidy!
jereo
Manga...na!
anio
tsy azy!...
Saraka!
Honjohonjoko...
Ngerok\'hirik\'ila.
Ngerok'hirik'ila.