Ririnina (Ranoala)

oram-panala vao maraina
no mitsena andro ririnina
mitady ho kivy koa ny saina
Tsy hahita ho mbanjinina

Tanety lava, misy hisainana
dia namorona ny anao
asa angaha na fahalainana
na mba hevi-baovao

Andeha anao fety
ndao antsoina hoe Sambatra
izay mihintsy re no mety
ka ny foatra no asandratra

Angalao rano mamanala
hotsofin-drano 'lay mahery
nahatanty 'zay niala
hahazaka ny fery

Itondrao akondro
dia antsoy i dadabe
tsy ho tsiny na ho fondro
fa manaja lehibe

Doboy re ny amponga
hofahofao re ny fary
araho dihy mba hanonja
tsy ahaheno maharary

Aolahy re no hika
ataovy mafy sy maredona
venteso mafy ny mozika
mba 'lay kely hiedonedona

11/07/2006
--------