Raki-tsarobidy (Ra'Ony)

Rindrina sisa tavela, marika fisiana
Any rakitry ny ela, miandry ny fodiana.
Tsy hita hoe zavatra, fa toa korotam-bato
Rehefa niasa fatratra, voky taona aman-jato...

Kanefa tsy ho sahinao hafohy fa vala nianarana
Raha atao tampody fohy dia tsiaro reo anarana...
Anarana nandrara... Nametraka ny fefy
Anarana niantana, niarahana nifety.

Ka na rindrina aza sisa tavela, hamoa ny tsiaro
Raha nilaozana ela, tsy tsaroana ho nimalo...
Dia homeko hasina fa raki-tsarobidy
Toy ny ranomasina... Tsy ho taka-bidy.
--------