Fetinao anio (Jeankely Razafimamonjy)

Fetinao anio
Ry havako tsy foiko
Fetinao anio
ry malalan'ny foko

ka...

miarahaba anao
Iny lanitra iny
ireo voahary koa
hirahiko
mba hiarahaba anao

satria...

Fetinao anio
ry havako tsy foiko
Fetinao anio
Ry ilay tsy foiko

Taona vao iray
sy tombon'andro indray
miposaka ho anao
Ary, ho anao

Miarahaba anao
Ny olona mandalo
Miarahaba anao
fa fetinao anio


Fetinao anio
Ry havako tsy foiko
fetinao anio,hoy
ny feon'izato foko

Ho maro andro
ela velona anie!
Izay no faniriana
fa fetinao anio

Fetinao anio
hoy ny peniko
mamboraka amin'ny fo
Ka miarahaba anao

Voninkazo
no an-tanana,
fa tsy mba vola
aman-karena.
Ary ny fo feno:
fifaliana sy
fitiavana no
miarahaba anao.

Fetinao anio
Ry havako tsy foiko
Fetinao anio
Ry ilay mamin'ny foko.
--------