EFA NOMEKO (SCOTLANDYARD)
Mbola tsisy niantsa
(Nalaina tao amin'ny vetso.serasera.org)
Ho setrin'ny tononkalon'i Ryana hoe OMEO AZY Ary mbola atolotra an'i pissoa ihany koa ho setrin'ilay hoe MAHAIZA MANDEFITRA
EFA NOMEKO
Efa nomeko azy, ny tso-drano sy hafatra
hahafahany miaina, fitia feno sy lafatra
Efa nomeko azy, ny tsikombakomba
efa mangina aho, sy mahalala fomba
Efa nomeko sy naveriko, ny sangy vazivazy
izao vao tena haiko, ny dikan'ny mariazy
Efa nomeko sy naveriko, ireo tosy s'ireo dola
hampirobo ny azy, ireo oroka sy angola
Efa nofafako, ilay adiresiny
ka teny hoe "adinoy", no nataoko setriny
Efa tsy nantsoiko intsony ny anarany
ilay indray andro iny, angamba sisa farany
Efa tsy nofisiko, ilay fahininay
efa novonoiko, ilay hoe "izahay"
Efa maso hafa ny fijeriko azy,
ilay maso mangatsiaka manefa izato sazy
Fa ...
Ny hany sisa adinoko, angamba tsy ho tsiniko
ilay Fitia mireda, anatiko fihiniko
Fa tsy ataoko fantany, ny fisian'izany,
Fa gadraiko, sy gejaiko, ho ahy irery ihany
--------
Rohy:
Sokajy :
Aingam-panahy
Mpakafy:
tsikikely
Hevitra mandeha
Ryana
(
27/02/2007 20:51)
Tsy misy azo lazaina afa-tsy ny hoe "mankasitraka" ê!
Ryana
Ryana
katiaa
(
27/02/2007 21:09)
hum
katiaa
(
27/02/2007 21:12)
ka mitovy ihany ne na gadraina sy gejaina aza ee, mbola tia ihany zany; zay n tena misy lanjany; sa aona hozy scotlandyard?
Ryana
(
28/02/2007 18:39)
Tsy hoe setriny fa aleo atao hoe "tohiny..."
SAINGY TIANA
Saingy tiana ve,
Dia manan-jo tokoa
Hanoritra ny làlana izay tokony hodiaviko?
Saingy tiana ve,
Dia afaka ihany koa
Hametra sy hifantina izay olona hotiaviko?
Saingy tiana ve,
Dia afaka mibaiko
sy mandidy ahy tsy hiantso na hitady?
Saingy tiana ve,
Dia mamehy izay ilaiko,
Ka mandridrim-baravarana sy manidy vavahady?
Saingy tiana ve,
Dia manjakazaka,
Mandrefy sy mamatra ny antsipirihim-piainako?
Saingy tiana ve,
Dia tsy miambakavaka
Misafidy sy manapaka izay ho lokon'ny marainako?
Saingy tiako ianao,
Dia nekeko manontolo
Ireo fetra sy ireo sakana napetrakao hanelanelana;
F'ilay fitia any aminao,
Raha tsy mbola bobongolo,
Aza kobonina na ferana... Avelao izy hamelana!
Ryana
(27/02/07)
SAINGY TIANA
Saingy tiana ve,
Dia manan-jo tokoa
Hanoritra ny làlana izay tokony hodiaviko?
Saingy tiana ve,
Dia afaka ihany koa
Hametra sy hifantina izay olona hotiaviko?
Saingy tiana ve,
Dia afaka mibaiko
sy mandidy ahy tsy hiantso na hitady?
Saingy tiana ve,
Dia mamehy izay ilaiko,
Ka mandridrim-baravarana sy manidy vavahady?
Saingy tiana ve,
Dia manjakazaka,
Mandrefy sy mamatra ny antsipirihim-piainako?
Saingy tiana ve,
Dia tsy miambakavaka
Misafidy sy manapaka izay ho lokon'ny marainako?
Saingy tiako ianao,
Dia nekeko manontolo
Ireo fetra sy ireo sakana napetrakao hanelanelana;
F'ilay fitia any aminao,
Raha tsy mbola bobongolo,
Aza kobonina na ferana... Avelao izy hamelana!
Ryana
(27/02/07)
tsikikely
(
01/03/2007 17:50)
Tsara dia tsara
sejianis
(
29/04/2007 21:12)
ndriii!tena tsara
mampatsiahy tantara
miraikitra am-pisainako
satria efa niainako
misaotra e!
mampatsiahy tantara
miraikitra am-pisainako
satria efa niainako
misaotra e!