NANARAKA AHY (SCOTLANDYARD)
Mbola tsisy niantsa
(Nalaina tao amin'ny vetso.serasera.org)
Nanaraka ahy tanaty alikoIlay feonao niantso omaly
Ka ilay nofy novantaniko
Efa feno anao ilay falifaly
Nanaraka ahy tanaty esoko
Ilay tsikinao tan-tariby
Ho rakitra sy vetsovetsoko
Tanaty alin’ny Fitia
Nanaraka ahy tany am-pandriana
Ilay resakao feno fitiavana
Ireo nofinofy faniriana
Natory aho sady nitavana
Nanaraka ahy tanaty nofiko
Ilay endrikao hitako sary
Mbola reko tao an-tsofiko
Ilay feonao , sy ilay kabary
Nanaraka ahy , nameno ny alina
Ilay Ianao iray manontolo
Ny fitiavantsika ve no lalina ?
Sa Fitia tsotra fa voakolo ?
--------
Rohy:
Sokajy :
Fitiavana