Gasikara Tanindrazako (Tatamo Ravaky Ny Farihy)

Gasikara Tanindrazako

Tiako ianao ry Gasikara
Nalatsahan'ny tavoloko
Niainako ny fahazazana
Namaritra ny fiaraha-moniko

Dia tonga koa ny hatanorana
Mbola ianao no notononiko
Matoa kinasa ny tantara
Ny teninao no notononiko

Ny fahaterana ho avy
Mbola ianao no ho tazoniko
Hitoetra anilanao ihany
Satria izay no nofinofiko

Tiako ianao ry Gasikara
Ka ijoroko hatrany am-para
Ireo taranako ho beaziko
ho tia anao tsy hisalasala.

Tanin-dray sy tanin-dreny
Ho lalaiko ombieny ombieny
Tsy iza fa ianao ihany
Ilay Tanindrazako malala!

Tatamo Ravaky Ny Farihy
22/07/2016
--------