Embona (yarnjat)
Mbola tsisy niantsa
(Nalaina tao amin'ny vetso.serasera.org)
Hadalana sa hadisoana ho ahyNy hametsoventso anao , tamberina tsy nahy
Anaty nofinofy , eritreritra am-panahy
Ty fo toa manantena fa feno ahiahy
Dia mbola ho nofy foana ve sanatria?
Ny rediredin'ity foko nanambara ilay fitia
Sa tsy natao ho antsika roa ny hiara-tsambatra ho doria
Dia velona tsy miara-miana na dia samy tia
tsy afaka ato an-tsaiko reo fahasambarantsika
Ilay nofinofy izaho sy ianao hiaraka hiampita
Hanolo hafanana ny hirifiry sy ny hatsiaka
Saingy indrisy toa voalahatra tsy hifankahita
Toa tafara-dalana izaho sy ianao indraindray
Voatery mieritreritra fefa roa 'lay fo anakiray
Tsy maintsy koa afenina 'lay fitia nivaivay
Tsy antenaina intsony f'efa rakotra ahiahy
yarnjat
--------
Rohy:
Sokajy :
Fitiavana
Hevitra mandeha
yarnjat
(
25/06/2014 18:35)
Rehefa mba mitia dia aleo mitia hatramin'ny farany e! mba tsy hisian'ny fanenenana any aoriana any, raha mbola azo sorohina ihany koa ny ady dia tano ny azo fa sarotra ny mila e!