MPIHETRAKETRAKA (ADR)

MPIHETRAKETRAKA

Mendrika hohelohina, mendrika ho faizina
Mendrika hosaziana, hitoetra anaty haizina
Mendrika hadinoina, ny olona ohatr’anao
Tsy tiako ho hita intsony, ny salovatavanao

Mendrika kapohina, nefa tsy amin’ny hery
Kapoka iray mafy, tsy amin’ny hazo velively
Mendrika kapohina, mba hahafantatra taraina
Kapoka iray mafy, hihatra hatramin ny aina

Mendrika anao, ianao r’ilay mpisitaka
Raha hivaly aminao, ny lainga sy ny fitaka
Mendrika anao, ny ranomaso sy tomany
Mba ho fijaliana foana, ny fiainanao ety antany

Mendrika anao ireo, ianao ry vonikazo
Fa iriako koa ianao, ho vetivety dia halazo
Mendrika anao aza, ny hofongorina tanteraka
Mba ho faty am-poko koa, ny anaranao
ry MPIHETRAKETRAKA!

adr
message
--------