TSIKY FOLO - AJHA

Azo vakiana?

Misy tsiky akasoka atafy ny fo izay mijaly
Misy ny tsiky taratra avoakan'ny fo falifaly
Misy ny tsiky lamba isaloran'ny fo misoloky
Misy ny tsiky angolan'ny fo mahatoky
Misy ny tsiky irina hivimbina fanantenana
Misy ny tsiky mifono hasambarana mbola hinoana
Misy ny tsiky mampionona fo malahelo
Misy ny tsiky ampahatsiarovana tsiambarantelo
Misy ny tsiky velona an-tava mba hanary dia
Nefa koa misy ny tsiky asolo teny milaza FITIA

Ankafizo

Sokajy : fanantenana, Fifaliana, Fitiavana, tsara