FITIA TSY LEVONA (Alyrah)

Mbola tsisy niantsa

Hangataka antsa
(Nalaina tao amin'ny vetso.serasera.org)
FITIA TSY LEVONA

Mbola raikitra ato anatiko,
‘lay endrikao mibanjina ahy,
alahelo anao tsy tantiko
no nanainga indray ireo tsiahy.

Izato angolangolanao,
tambitamby feno tsiky,
izato fihetsiketsikao,
sy ilay nampiray antsika.

Na nisampana ny dia,
reko foana toa tsy levona
sombintsombin’ny fitia,
lazaiko anao fa mbola velona.

Fakan-kazo iray nilentika,
angadina toa tsy tazana
nanambara indray ny fihetsiko,
lasa ilay mba niantsampazako.

Ilay sarin’ny fiarahana,
tsy mpandalo fa tamana,
tiko indray hotanterahina
nofinofy nanafana.

Diam-penin-dranomainty
no avelako hitanisa,
miverena re ry aiko
mba hevero ny efa vita

ALYRAH (08/06/15)
--------
Rohy:
2209 0
Hametraka hevitra
Midira aloha
Momba ny tononkalo
Mpanoratra : Alyrah
Nampiditra : Alyrah
Daty : 08/06/2015 16:40
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.01