Ankamantatra (Amby Ventso)
(Nalaina tao amin'ny vetso.serasera.org)
Toy ny andro vao misandratraTakoman-drahon-tsy fantatra
Toa ela vao hisava
Mitondra oran-dava
Nanakotsa tsy voafehiko
Ny laingon'ny tarehiko
Fa tsy natao hitambatra
Tsy hahavita hangalatra
Nefa nifampitsinjo
Fa ny lahatra no indro
Vato iray nibahana
Namingana hasambarana
Tsy misy ny ho lafatra
Fa fo tsy hiara-hisambatra
Nefa mifankatia
Tanteraka ho doria
Ny ankamantatry ny ampitso
No hamaritra izay diso.
--------
Rohy:
Sokajy :
Anjara - rindra - tantara - Fiononana - Fisarahana - Fahatsiarovana - Alahelo - Eritreritra mandalo - fiainana - Aingam-panahy
