Any andro iray (ANDRIAMANANTENA Solofo Jaona)

Any andro iray

Any andro iray, tsy hahenoako intsony
Irony tabataba mampanampitsofina
Ireo karazana vazavaza
Tena mampanampim-bava

Any andro iray, tsy hahitako intsony
Ireo karazam-pijaliana
Izay mampitondra fahoriana
Zary tena nampiaina fihafiana

Any andro iray, tsy iainako intsony
Ireo karazan-tebiteby mampimalo
Fangirifirian'aretina maro
Ireo sokajin'olana mifangaro

Fa Any andro iray, andrandraiko izy izay
Hitondra fifaliana mandrakizay
Ho Fahasambarana vaovao indray
Dia ilay Fiainana eo ankavanan'RAY
--------