You are here: home > Vetso

FIKAFIKANY BE PÔLITIKA - ANDRIAMASIMANANA Andry

Azo vakiana?


    --------------------------------------------
    'zaho te hanoratra anefa tsy sahy,
    tsy mana-tsafidy aho, na dia te hilay,
    fa misy ny didy nivoaka avy any ambony,
    izay mampigadra, raha manorisory,
    --------------------------------------------
    raha manohintohina, filaminam-bahoaka,
    dia enjehiny lalana sy ireo be "bôtte",
    marina io, sady rariny loatra,
    f'ireo mpanao pôlitika,  mitady hitroatra,
    --------------------------------------------
    f'ireo mpanao pôlitika, mitady vahoaka,
    dia hita mihintsy hoe: tsy te hivoatra,
    fa manakorontana ny efa milamina,
    ka mampirisika mihintsy aho, enjeho ra "gendarme",
    --------------------------------------------
    ny an'ireo mitady toerana ambony,
    dia ny vahoaka no mitady ho vonoiny,
    tambatambazany ilay dimy arivo,
    dia roboka daholo, manao matso bingo,
    --------------------------------------------
    f'ireo mpanao pôlitika, misisika hatrany,
    sady mangarona ny ati-vilany,
    mody be vava sy mampiaka-peo,
    fa raha vao voa ianao, dia avelany eo,
    --------------------------------------------
    antsoiny daholo ireo mpanao gazety,
    ny teny voarindra sy atao metimety,
    avoaka "radio", "télé", internet,
    fa izy ireo no 1000 "tête", sady lazainy fa tsy
    be "FAINTY" .... "FAINTY"
    --------------------------------------------
    dia io fa miakatra ny tosi-drà,
    fa hoe : marina mihintsy re, ny an-drizalahy,
    dia mody manentana sy mamorona fety,
    mba hamborahana, ireo lazaina tsy mety;
    --------------------------------------------
    ireo mpikarama efa any anaty vahoaka,
    dia mody mihoraka, sy mihôgahôga,
    mi-"exciter" hoe andao ireo apôaka,
    aza misy miala , aza misy mitsoaka,
    --------------------------------------------
    dia raikitra ho azy, ary izany sakoroka,
    fa ny fanjakana mijoro, koa tsy mba miforitra,
    dia ny vahoaka no mihinan'ny fatiny,
    f'ireo mpanao pôlitika, ao aorianan'ny angambany
    --------------------------------------------
    za mba miteny re, sady mananatra,
    teneno ny zaza, alefaso hianatra,
    f'ireo mpanao pôlitika mampiasa ati-doha,
    ny kely saina avy hatrany dia ho voa...
    --------------------------------------------
    ANDRIAMASIMANANA ANDRY