TOAKA SY NY FITIAVANA - ANDRIAMASIMANANA Andry

Azo vakiana?

indro izy roa fa  nivembena,
mitsangana kely, dia io fa nianjera,
ny eny an-tanany, tavoahangy toaka,
nefa izy ireo mando sy mihoakà,

ny volon-dramatoa, dia misavoritaka,
ny akanjony rehetra, toa misaritaka,
ilay lokomena, dia mahonena,
ohatrany gaigy, tsy tiako jerena,

ilay rangahy hoy ianareo.......
dia toa mibetroka sy mitoreo,
ny any am-paosiny mibotsibontsina,
ny pataloha toa masiso, mamofona,

dia indreo izy roa, fa igagam-bahoaka,
kanefa tsy taitra, no tsy mba mitsoaka,
fa mifampitantana sy mifamihina,
kanefa mirondrona, tsisy hamikirana,

dia iny nipitika, avy ao am-paosy,
lohan'akoho, mifangaro saosy,
dia nifandrombaka teo izy roa,
niady, nifanaikitra toy ny amboa,

rangahy tsy nanaiky, ramatoa koa nisisika,
dia indreo izy roa fa nifanilikilika,
dia ny mpitazana indreo fa nisioka,
ny azy ireo efa fiainan'alika!!!!

nony vita ilay katro-doha,
dia raikitra indray ny "bisous" "bisous"
ka horakoraka ny an'ny marovahoaka,
kanefa tsy mbola nisava, ilay toaka!!!!

ANDRIAMASIMANANA ANDRY

Mombamomba

Mpanoratra : ANDRIAMASIMANANA Andry

Nampiditra : andry 1000
Daty : 15/10/2018
Mpamangy : 1028
Mankafy : 0

Tononkalo hafa

OMBY SY RALAY
HANDAO ANAO AHO VETIVETY.
VONINKAZO DIA SA VONINKAZO ADALA?
ILAY BOKY MAHAGAGA
I KETAKA SY RALAY ("AVENTURE") TOHINY
I KETAKA SY RALAY ("AVENTURE")
NIOVA NY FIAINAKO
FIKAFIKANY BE PÔLITIKA
TARAIKY ALINA TARA "BUS"
ANY AMINAO NY ERITRERITRO