EMBONA AN’I DADA - Rasamindrakotroka Andry Tiana

EMBONA AN’I DADA

I  Dada ve, ilay  olona sarotiny,
Amin’ny   nety   ho   fianarana ;
Nataony  làlana  sy  nosoritiny,
Anaty   rijantenim-pananarana.

I Dada ve, ilay  tia  fihavanana,
Nampianatra,  nanabe hatrany,
Mba  hiantra  ireo tsy  manana ;
Fa  tsy ny  ho an’ny tena ihany.

I   Dada  ve,   ilay   tena   niaro,
Raha sendra nisy iny ny olana.
Tsy tia koa   ny  nampifangaro,
Ny  masoandro  sy  ny  volana.

I Dada  ve, ilay lehilahy  nahery,
Nibetrobetroka raha iny  niteny ;
Anefa tsy nisy ny natao an-tery,
Fa  teny,  nifono  fitiavana  ireny.

I Dada ve, ilay  hany  nampiatra,
Ny voarakitra anatin'ny baiboly ;
Ka ho an’i zanaka tiana, nihatra,
Ny tsorakazo narary nahangoly.

I Dada ve, noheverina ho nasiaka,
Raha   tsaraina   ivelany   ihany ;
Toa  andro   maina   nangatsiaka,
Fa  tena fitiavana,  daholo  izany.

RASAMINDRAKOTROKA Andry Tiana
10 Jona 2020

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 10/06/2020
Mpamangy : 451
Mankafy : 7

Tononkalo hafa

TSIARO AN'I NENY
MIEZAHA AMIN'NY HERIN'NY TENA
ILAY MBA FAHAIZANA KELY
ANDROM-PAHANTERANA
NY RAY SY NY RENY
HIHIRA AHO HO ANAO
NY FIAINANA FANETREN-TENA
NY FIAINANA ETO AN-TANY
NY ASA FAMPIANARANA
AZA MANDORO TANINDRAZANA