ILAY MBA FAHAIZANA KELY - Rasamindrakotroka Andry Tiana
Azo vakiana?
ILAY MBA FAHAIZANA KELY
Ilay mba fahaizana kely,
Tsy hita atao hoe mankaiza ;
Tsy ahatonga ny ho modely,
Na handeha na aiza na aiza.
Ilay fahalalana tena bitika,
Tsy ampy hampitraka akory ;
Fa tsipindina dia mipitika,
Tena resy midaboka matory.
Ireo zavatra kely mba hay,
Tsy hita hoe misongadina ;
Ohatra ny fatana kitay,
Mety ekena, mety ho lavina.
Na be aza anefa ny fantatra,
Mahatsapa tsy ampy ihany ;
Mbola maro ny ankamantatra,
Raha mbola tany koa ny tany.
Arakaraka ny hoe ahalalana,
Raha dinihina, ary koa jerena ;
No ... ahatsapana mazàna,
Fa hay kely sy bitika ny tena.
Ny fiainana tokoa fianarana,
Ahafahana miatrika fiainana ;
Mila toavina ny fananarana,
Izay rehetra iainana isainana.
RASAMINDRAKOTROKA Andry Tiana
01 Martsa 2020
Hametraka hevitra
Midira alohaMombamomba
Mpanoratra : Rasamindrakotroka Andry Tiana
Nampiditra : s19andry5851
Daty : 02/03/2020
Mpamangy : 698
Mankafy : 4
Tononkalo hafa
ANDROM-PAHANTERANANiY RAY SY NY RENY
HIHIRA AHO HO ANAO
NY FIAINANA FANETREN-TENA
NY FIAINANA ETO AN-TANY
NY ASA FAMPIANARANA
AZA MANDORO TANINDRAZANA
TIA ANAY IANAO JESOA
NY FITIAVAKO ANAO ...
NY RÀN'I JESOA KRISTY TOMPO
