MILA TONGA SAINA - Rasamindrakotroka Andry Tiana

Azo vakiana?

MILA  TONGA SAINA

Hono  hoy aho, isika vahoaka Malagasy ;
Maro aminao no mbola tsy tonga saina,
Ka mora rebirebena avy eo mangasihasy,
Rehefa avy nobadoina, sy nampiasaina.

Ny firenena malagasy, tsy rotiky ny ady ;
Anefa nahantra foana, tsy nety nandroso.
Ireo nantenaina,  lany andro nifampitady.
Ny ankamaroan-tsika anefa, lasa androso.

Mila beazina isika, mba hahay hamakafaka,
Hanavaka ny vary amin'ireo tsimparifary.
Ka tsy ho hampiesonan'ireo tompondaka ;
Hanantena lava, eo ampiandrasana marary.

Tsotra hono raha te hamotika firenena iray ;
Potehina ny fanabeazany sy ny soa toaviny.
Amin'izay samy bado,  lasa toy ny bemiray.
Izy ireo avy eo no manjaka amin'ny ho aviny.

Ny fanabeazana  ihany izany, no  fanalahidy,
Hivoahana amin'ny zava-misy rehetra izao.
Ka izay manana talenta aleo efaina ny adidy,
Tsy hangataka  andro lava, aleo izao dia izao.

RASAMINDRAKOTROKA Andry Tiana
20 Febroary 2021

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 20/02/2021
Mpamangy : 268
Mankafy : 4

Tononkalo hafa

HOY IANAO
MANINONA HOY AHO
NY RARINY SY NY HITSINY
EMBONA AN’I DADA
TSIARO AN'I NENY
MIEZAHA AMIN'NY HERIN'NY TENA
ILAY MBA FAHAIZANA KELY
ANDROM-PAHANTERANA
NY RAY SY NY RENY
HIHIRA AHO HO ANAO