AVELAO HIRARAKA (AORN)

Rehefa injay mandrahona
Sy matroka ny andro:
Hanorana izy izay...
ka ialohavan’erika
manify mifanesy
hamonto tany hay

Ny foko koa mazàna
Raha sendra mba mangorana
Na koa mamelovelo...
Hirotsaka tsy ho ela
Lay vongan-dranomaso
Voasedran’alahelo

Dia avelao hiraraka...
Mantsy raha tsy izany
Handrehitra herin’aratra
Ny fo tsy mahatanty
Raha toa ka tsy tomany
Hipoaka toy ny varatra

AORN
27 FEBROARY 2011
--------