MITROATRA TSY TANTY (AORN)

Banjinina soa madimadina
Tomefin’ny hatsaran-tarehy
Ravahan’ny tsiky malefaka
Dia indro fa mientana anaty
Fa mila hitroatra tsy ho tanty

Topazako alavitra kosa
Lay kanto marevaky ny aiko
Tsipalotra sendra mandalo
Dia iny fa midobodoboka
Lay fo tsy nahatanty fa roboka

Refesiko an-tsaina miserana
Fa saingy tsy takatra alaina
Folaka ihany ilay tiana
Ka tretrika ny ati-fanahy
Mirehaka lasa tsy nahy

AORN_10 desambra 2023
--------