RAORIHAVAMANANA (AORN)

"Tsy levon'ny vavoniko
tsy eken'ny eritreritro
ny hahita anao hisongona
sy hiakatra amy dingan'ireo
hanampitrisa...
nahoana kosa moa
ianao zay niara-nihosona
sy niara-nilomano
tanaty tsy fisiana;
ianao zay niara-refona
sy niaraka niforitra
nandrango fitsitsiana,
no ho tafita tampoka?"...

dia toy izany hatrany
Ny saina sy ny toetra
hananan-tsika gasy
f'ireo zay mba misondrotra
sintonina tsy hiakatra
fa raha ny sitrapo
lavoina mba ho sasatra
Satria isika mihitsy
No ory hava-manana
Matetika aza moa
tsy raharahiana intsony
izany finamanana
ka hitadiavan-kevitra
mba hamongoran'aina
tsy misy fanavahana

Rahoviana vao tafarina?
Ny toetra aloha amboarina

AORN
23 APRILY 2021
--------