SARAKA (AORN)

Ombao karazan-kira mamentsoventso lalina
Maningotra ny anaty, mamelona tsiahy
Dia gadona mandrotsy sy feo mamanton’alina
Hianohako mangina, mampihetsika fanahy

Dimbiaso tononkalo, ahazoako mankafy
Lay tena mampisento mandoaka ny ati-fo
Venteso anatiny ao ny amboaran’ny fitia
lay mampanembona iny, mahalasa ny ambiroa

Raha vitanao ireo, d'izay no hasambarako
zay hany nangatahako, aleo hivalona any
mba farafaharatsiny, ho tsara no hamaranako
lay diantsika teto, nandrotsaka tomany

AORN
17 AVRIL 2022
--------