TSY HO RAIKI-PITIA (AORN)

Mba fero ny masoko tsy ho voasarika
Fefeo zany foko aza avela hankafy
Fantsiho zany saiko tsy hanao asa-marika
Raha tojo aminao mba tsy ho raiki-pitia

Sakano ny tongotro mba tsy hisampana
Handeha tsy ho baikona toa ria-mikodàna
Fa mila hisendaotra tsy mahandry tàntana
Entanim-pitiavana Mbola mafàna

Ny vatako mihitsy no ndeha hofatorana
Tsy ho afa-mikofoka intsony amy zay
Ianao zay lalaiko no fototry ny olana
Dia aleoko tsy ho hitako mandrakizay

AORN
12 SEPTAMBRA 2019
--------