Maso mifanojo - arcane

Azo vakiana?

Malala

Angamba nifanojo
Ny masontsikaroa
Teny an-tsampanana
Fa tsapako nanonja
Hatrany anaty fo
lay tsikinao miharana

Satriko mihitsy
Ny hanome anarana
Ny endrikendrikao,
Saika hanolo tanana
Kanjo diso lalana
Fa nivily ianao,

Tsy fantatro indrisy
Ny anaranao...

Nofinofy sisa,
Tsiky mitamberina
Manitsy ny endrikao,
Sento miserana
No nahalalako iky
Fa tena tiako ianao.

Mihodina ny tany,
Mbola hifanena
Ny lalantsika roa,
Raha toa misy ihany
Fitia manantena
Ho anao koa

Aza avela hihena
Fa ho fenoiko izany

Hevitra mandeha

bichette (14/09/2004 18:38:04)

boribory ny tany, mbola hifanena...

arcane (14/09/2004 21:55:29)

Mihodina : miverina @ ny fiandohana

Hametraka hevitra

Midira aloha

Mombamomba

Mpanoratra : arcane

Nampiditra : arcane
Daty : 14/09/2004
Mpamangy : 1346
Mankafy : 0

Tononkalo hafa

Ny fitia
Ho an'i malalako
Eritreritra
Kilalaon-teny
Raha...
Miandry
Hisy