Miandry (arcane)
Mbola tsisy niantsa
(Nalaina tao amin'ny vetso.serasera.org)
Misalalala Ny foko,
Te hanontany
Te hahalala,
Nefa tsy foiko
Ho fantarina
Raha sendra tsia
no havaliny...
Dia aleoko
Mihanahana
Sy mitazana
Mazàna
Izay ho fihetsiny
Androany
Sao misy ihany
Fanantenana...
Na teny iray
Mety hanambara
Fa hatrizay,
No tia adala,
Nisalasala
Sao tsia
No havaliko
Raha hamboraka
Fitia
Amiko...
--------
Rohy:
Sokajy :
FITIAVANA