Ho anao (Ari Ira)

Ny avonavonao
sy ny hambohambonao,
tsy hitondra anao mankaiza,
tsarovy ry sakaiza
fa tsy mahavita tena ianao
k'aza mba mizahozaho!!
Aza tia midera tena;
fa mba hendre toa volamena.


Ny hoe tsara tarehy,
sy ny hoe bikàna anie
tsy ampy hamaritana ny olona!
Raha izy ary imorona.
F'ilay hatsaràm-panahy
fahamarinana voazaha
ahazoana sitraka sy telina
no tena maha-olombelona.


K'izao mba hafatro aminao
aza miavona toy izao
f'izany fanandratan-tena izany
an'ny olona ambany;
ny olombelona tontosa
fahaiza-miaina miavosa;
tsy aetrin'ny lazainy
fa akarin'ny ataony
tsy ny ho tsara no hirainy
fa fahendrena no rantoany....
--------