AMPIHIMAMBA (LAVENONA)

Ny ao ambony dia manana hatrany
Fa mahazo raha toa ka midongy
Ny vahoaka etsy andanin'izany...
tsy homana raha tsy mitrongy!

Izy ireny tsy mba mitotaly
ny kapoakan'ny vary harotsaka
Fa isika vahoaka mijaly?
Mosarena sy tena efa trotraka!

Ny ao ambony ? harena no sezany!
Toa ho nofy raha ny hahatsapa tena !
fa...efa miharihary ny hangezany
Mantsy voky ny harem-pirenena!

Noheverina ho saka ,hay kary...
mpanimba no sady mpisompatra!
Nantenaina hampitsiry vary ,fa...
Hay.. havandra nanimba ny vokatra !

Dia ..izay te hitroatra,fefeny !
Raha izay fitiavantena hainy tsara!
izy ihany no afa- miteny fa...
Azy irery i Madagasikara !


LAVENONA
--------