HAFATRA FARANY (LAVENONA)

HAFATRA FARANY

"Anaka...!
Mbola kely ianao ka nefa
inoako kosa fa misaina
Ka aminao no miantefa
ny teny ataoko sombon'aina !
Hitanao ny fahanterako
tsy mahavita intsony
ka ianao no hianteherako
mba hampitraka sy hampitony
ireo zandrinao mianadahy !
Raha hikipy ireto masoko
dia aza kivy na manahy fa...
efa vita ny ahy ny lasiko!
Mahereza hatrany zanako !
dia izao no hafatro aminao
karakarao ireo fananako
izay nohariako hatramin'izao
mba ho anareo taranako !
bebenao tsy ho eto foana
fa tsy maintsy hifindra monina
rehefa tonga ilay fotoana!
Mitraka mahaiza mionona
fa izaho kosa handeha hiaona
amin-dray sy reninao
dia veloma man....ndra....pi..hao........na !"

LAVENONA
29 Desambra 2021
--------