TENA NAMANA (LAVENONA)

TENA NAMANA

Ny tena namana amiko ?
Ilay tsy mba manary...amin'ny andro mahaory
Tsy mamela irery raha sendra fahoriana
Manohana eny foana... ary tsy misaina akory...
ny hanisy ratsy izany, na oviana na oviana !

Ny tena namana amiko miaraka eny foana !
mampahery hatrany rehefa iny ianao tomany !
izy mampitraka raha sendra ianao misaona !
Tsy mandao mihitsy fa manampy hatrany hatrany !

Ny tena namana amiko ?
miandry sy maniry ny fahombiazanao
Ilay falifaly iny raha toa ianao tafita
Na tsika na tomany dia eo foana tsy mandao !
mazana alahelovana raha tsy mifankahita !

Ny tena namana amiko, miavaka amin'ny maro !
Ka nefa ankavitsiana na aza tsy hosinganiko!
tsy misy mahasolo izy ireny fa fantaro !
Izany ka izany no tena namana amiko !

LAVENONA
08/03/2024
--------