TONONKALONTSIKA (LAVENONA)
Mbola tsisy niantsa
(Nalaina tao amin'ny vetso.serasera.org)
TONONKALONTSIKATononkalo ny antsika no anaovam-boady
Hanoratra hatrany amin'ny fandavatena
Ny penina letsy ny antsika no angady a !
Ny mpamaky kosa no tany hambolena
Teny sy rima no atao masom-boly
Atao tsara fantina mba tsy ho faty
Tsy akory io nianarana tany an-tsekoly
Fa ainga-panahy izay mivoaka ao anaty
Intony no solon'ny vavam-bahoaka
Fitaovam-piadiana mahomby tokoa
Intony ny antsika no bala mandoaka
ny ati-fanahin'ny manana fo!
LAVENONA
--------
Rohy:
Sokajy :
Tononkalo - Aingam-panahy
Mpakafy:
tafitasoa777
